Səhv bilinən İslam

"Ya mənim dinimə qayıt, ya da öl!", məhz bu mövhumatçıların şüarlarından biridir. Mövhumatçılıqda demokratiya, fikir azadlığı, sevgi, hörmət, şəfqət, dostluq, fədakarlıq kimi anlayışlar yoxdur. Bəzi insanlar mövhumatçılıq və radikalizmi haqq dinlə qarışdırırlar. Halbuki mövhumatçılığın özü bir dindir. Hər ideologiyaya sahib insanlar arasında mövhumatçılıq dininin nümayəndələri var. İslamda, musəvilikdə, xristianlıqda olduğu kimi, marksizmdə, faşizmdə, ateizmdə də mövhumatçılar çoxdur. Hamısı birlikdə eyni batil dini müdafiə edərlər: "Sənin fikrini qəbul edə bilmərəm! Ya mənimkini qəbul et, ya da yox ol!"

Bu dözülməz və azğın din, xüsusilə son dövrlərdə, əksərən İslam dini kimi qəbul olunmağa başlandı. Bəziləri mövhumatçılıq dinini İslam adlandırdılar. Mövhumatçılıq dininə olan qorxularını İslama aid etdilər. Belə ki, İbrahimi bir dinin adı, "qorxu" sözüylə birgə çəkildi. Bütün dünyada islamofobiyadan danışdılar. İnsanlar qorxularının səbəbinin İslam dini deyil, mövhumatçılıq olduğunu bilmədilər. Mövhumatçıların yaratdığı mövhumatçı dinin İslam adı altında ortaya çıxdığını görmədilər. Çünki heç kim onlara bu dinin İslam olmadığını izah etmədi. Həqiqi İslamın bu mövhumatçı, ürküdücü, sevgisiz və nifrət dolu dinlə heç bir əlaqəsinin olmadığını, nə İslam adına ortaya çıxan radikallar, nə də bu radikallardan çəkinən islamofobiyaçılar göstərdi. İslam radikalları bütün dünyaya, amma ən çox da müsəlmanlara zərər verməyə başladılar.
“İslamda reform” anlayışı da buna görə ortaya atıldı. Guya bir vəhşi, bir də İslamda reform modeli varmış kimi, radikalların vəhşiliklərinə müqavimət göstərən müsəlmanlar, reformist müsəlman olaraq adlanmağa başlandı. İslam əleyhdarı qüvvələr reformistləri alqışladılar, lakin radikallar qarşısında gücsüz olduqlarını gördülər. Bir vəhşilik dininin, bir sıra sülhsevər insanlar tərəfindən yumşaldılmağa çalışıldığını güman etdilər (İslamı tənzih edirik). Hətta bunu İslamda aparılan bir islahat, reformistləri isə islahatçı adlandırdılar. Lakin bunun bir islahat deyil, əsl İslam dini olduğunu göstərə bilən olmadı. İslamafobiyaçılar “islahatçı”ları alqışlasalar da, onların, radikalların zorakılıqdan qaynaqlanan saxta gücü və onların İslam dinini təmsil etdiyi şəklindəki inancları daha əsas rol oynadı.

Sülhsevər müsəlmanlar İslam dinini, asanlaşdırmağa, onda islahatlar aparmağa və ya yumşaltmağa çalışmırlar. Sülh tərəfdarı müsəlmanlar olaraq əsas məqsədimiz, uzun illərdir ki, İslam adı altında dünyaya yayılan bir yalanı yox etməkdir. İllərdir ki, İslam adı altında təmsil edilən radikalizmi, mövhumatçılığı və İslam ilə əlaqəsi olmayan o mövhumat dinini yox etməyə çalışmaq, Qurandan dəlillər gətirməklə İslamın əslini göstərməkdir. İndiyə qədər mövhumatçılar tərəfindən İslama atılmış ən böyük böhtana son qoymaqdır.

Bu kitabda radikalizmə qarşı tənqidləriylə ön plana çıxan bəzi qərbli islamofobiyaçıların iddialarına və mövhumatçılarin qorxunc məntiqlərinə cavablar verilir. İslama aid edilməyə çalışılan saxta mövhumatçı dinin müxtəlif mənbələrində verilən iddialarının əsassızlığı Qurandan misallar gətirilərək izah olunur. Xüsusilə bu iddiaya istiqamətli bir fəaliyyət yürüdülməsinin səbəbi, İslama yönəldilən bütün tənqidlərin eyni xüsusiyyət daşıması və radikalizm dininin İslam hesab edilməsindən qaynaqlanır. Əsas məqsədimiz İslama atılan əsassız böhtanların və İslam dini haqqında yanlış məlumatların Qurandan dəlillər gətirilməklə izah olunması və bu yanlışlığın aradan qaldırılmasıdır.

Mövhumatçılarin problemi, dinlərini mövhumatlardan öyrənmələridir. Necə ki, mövhumatçılarin batil dinlərini tənqid edənlər də, bəzi hallarda onlar qədər radikal olub, mövhumatlarının doğru olduğunu, onların zənn etdiyi qədər zənn edə bilirlər. ümayiş etdirir və mövhumatları din adı altında müdafiə edirlər. Biz Qurandan dəlil gətirdikcə, onlar da mövhumatçılarin mövhumatlaarından dəlil gətirməyə çalışarlar. Ən böyük səhvə də məhz burada yol verərlər. Əgər həqiqi İslamı tanımaq və mövhumatçılığa çıxış yolu tapmaq istəyirlərsə, burada izah olunan həqiqi dini eşitməyə çalışmalıdırlar. Əgər bunu etməsələr, radikalizm böyük bir bəla kimi dünyanı cənginə almağa davam edəcək.